Ураджайнасць бульбы і цукровых буракоў у большасці дзяржаў-членаў Еўрапейскага саюза ніжэйшая, чым летась і ў сярэднім за пяць гадоў. Пра гэта сведчаць дадзеныя кастрычніцкага бюлетэня Mars метэаралагічнага інстытута Аб'яднанага даследчага цэнтра (JRC), паведамляе партал Nieuweoogst.nl.
Сярэдняя ўраджайнасць бульбы ў Еўрапейскім саюзе (ЕС) складае 33,4 тоны з гектара. Гэта на 2 працэнты менш, чым у сярэднім за пяць гадоў, і на 8 працэнтаў ніжэй, чым летась. JRC ацэньвае ўраджайнасць бульбы ў Нідэрландах у 41,3 тоны з гектара, што на 0,7 тоны менш, чым у 2021 годзе, і на 0,5 тоны ніжэй, чым у сярэднім за пяць гадоў. Гэта датычыцца насеннай і таварнай бульбы.
Пры ўраджайнасці 36,8 тон з гектара бельгійцы сабралі прыкладна на 5 тон менш, чым у сярэднім за пяць гадоў, і не менш як на 7 тон менш, чым летась. Пры ўраджайнасці 38 тон з гектара Францыя атрымала больш чым на 3 тоны менш, чым у сярэднім за пяць гадоў. Немцы збіраюць у сярэднім 38 тон з гектара, што на 8 працэнтаў менш, чым у сярэднім за пяць гадоў, і на 13 працэнтаў ніжэй, чым летась.