Губернатар Наўгародскай вобласці Андрэй Нікіцін заявіў, што рэгіён мае намер пашыраць супрацоўніцтва з Беларуссю і нарошчваць гандаль.
Кіраўнік рэгіёну, які 4-5 ліпеня знаходзіўся з візітам у Беларусі, адзначыў, што з 2019 года тавараабарот паміж гэтай краінай і Наўгародскай вобласцю вырас на 200 працэнтаў, а па бягучых выніках ужо зразумела, што ў 2023 годзе будуць палепшаны мінулагоднія паказчыкі. Партнёрства развіваецца па многіх напрамках, і ў іх ліку - вытворчасць бульбы. Па словах Нікіціна, ужо даўно ідзе абмен селекцыйнымі гатункамі і праца з Нацыянальнай акадэміяй навук Беларусі. Новы вектар у супрацоўніцтве зададуць пастаўкі ў рэгіён бульбы фры беларускай вытворчасці, прычым рабіць прадукт будуць у тым ліку і на расійскай сыравіне.
«Але вось што цікава: аказалася, што ёсць дэфіцыт бульбы фры. І гэты дэфіцыт вырашыць беларускі Талачынскі кансервавы завод, які пабудаваны зусім нядаўна. […] І бульбы стала не хапаць. Таму мы будзем пастаўляць туды сваю бульбу таксама, каб забяспечваць Беларусь і Расею і тых людзей, якія любяць гэтае хуткае харчаванне, смачнай бульбай фры», – заявіў губернатар.