Міхаіл Мішусцін даў шэраг указанняў па выніках канферэнцыі «ЦІПР-2022». Па даручэнні Прэзідэнта ўрад прадаўжае падтрымліваць развіццё АПК з улікам выкарыстання інфармацыйных тэхналогій. На гэта будзе накіравана больш за 900 млн руб, паведамляе афіцыйны сайт Урада Расіі.
“Па даручэнню Прэзідэнта ўрад вядзе работу па забеспячэнні развіцця аграпрамысловага комплексу з улікам выкарыстання інфармацыйных тэхналогій, якія адпавядаюць патрабаванням сённяшняга дня.
Вылучым з бюджэту больш за 900 млн рублёў на прымяненне лічбавых тэхналогій у сельскай гаспадарцы. Гэта трэба, каб зрабіць даныя Мінсельгаса даступнымі ў рэальным часе ўсім зацікаўленым грамадзянам, прадпрыемствам і ведамствам.
Для павышэння дакладнасці адзнак ураджаю ўжо сёлета ў васьмі пілотных рэгіёнах плануецца ўкараніць тэхналогіі штучнага інтэлекту. Гэта Варонежская, Курская, Бранская, Тульская, Ніжагародская і Маскоўская вобласці, а таксама Пермскі край і Татарстан. На першым этапе - адносна сямі асноўных сельскагаспадарчых культур: яравая і азімая пшаніца, сланечнік, кукуруза, цукровыя буракі, грэчка і бульба.
Таксама пачне працаваць рэестр федэральнай уласнасці аграпрамысловага комплексу. Ён дапаможа сабраць разам разрозненыя звесткі, аналізаваць і прымаць на іх аснове прадуманыя рашэнні.
Будзе праведзена і аблічбоўка запісаў пагаспадарчых кніг. Многія з іх вядуцца з 30-х гадоў мінулага стагоддзя і часта існуюць толькі ў папяровым выглядзе. Гэта дасць магчымасць сабраць у адзіную інфармацыйную платформу даныя аб выпускаемай прадукцыі. У выніку дзяржаўная сістэма маніторынгу і прагназавання харчовай бяспекі стане больш дакладнай. Разлічваем, што гэта дазволіць ужо сёлета мільёнам грамадзян, звязаных з аграпрамысловым комплексам, скарыстаць новыя магчымасці”.