Еўрасаюз пачаў вывучаць пытанне аб працягу антыдэмпінгавых пошлін на аміячную салетру (выкарыстоўваецца ў якасці азотнага ўгнаення) з Расіі на пяць гадоў. Пра гэта піша Bloomberg.
Загараджальныя тарыфы ў памеры 32,71 еўра за тону аміячнай салетры павінны скончыцца ў сераду, 25 верасня. Яны былі накіраваны супраць такіх расійскіх экспарцёраў, як ПАО «Акрон», і закліканы абараніць еўрапейскіх пастаўшчыкоў (напрыклад, кампанію Zaklady Azotowe Pulawy) ад празмерна таннай расейскай прадукцыі.
Цяпер жа еўрапейскія ўлады плануюць вывучыць пытанне, ці прывядзе адмена пошлін да таго, што расейскія кампаніі зноў будуць дэмпінгаваць еўрапейскія кошты. Працэс можа доўжыцца да 15 месяцаў, на працягу якіх тарыфы працягнуць дзейнічаць.
Пошліны на ўвоз аміячнай салетры з Расіі дзейнічаюць у Еўропе з 1995 года і за гэты час неаднаразова падаўжаліся. У 2002 годзе максімальная стаўка была ўсталяваная на ўзроўні 47,07 еўра за тону. У апошні раз тарыфы падаўжаліся на пяць гадоў у 2014 годзе. У лістападзе 2018-га ЕС пасля звароту еўрапейскіх фермераў знізіў максімальную стаўку да 32,71 еўра.
Еўрапейскія вытворцы сцвярджалі, што за гады загараджальных пошлін сітуацыя на рынку змянілася, еўрапейскім гульцам атрымалася кансалідавацца, а выдаткі на прыродны газ, які з'яўляецца асноўнай сыравінай для вытворчасці аміячнай салетры, істотна знізіліся. У сувязі з гэтым антыдэмпінгавыя пошліны ўжо неактуальны.
Крыніца: https://lenta.ru/