За дзесяць месяцаў гэтага года беларускія аграрыі прадалі за мяжу бульбы на 53 мільёны рублёў (больш за 20 млн $). Гэта ў паўтара раза больш, чым за адпаведны перыяд 2020-га, паведамляе Белстат.
Павелічэнне даходаў ад экспарту адбылося на фоне зніжэння паставак у фізічнай вазе на 15 працэнтаў. Дапамог рост коштаў на знешніх рынках, якія за год павялічыліся на 85 працэнтаў.
Большая частка продажаў прыйшлася на Расію. Рэалізацыя бульбы ў РФ вырасла амаль у тры разы па аб'ёмах і больш чым у пяць разоў - у грашовым выражэнні.
Па ўсіх параметрах вырас і экспарт капусты. Але калі ў тонах яе прададзена на восем адсоткаў больш леташняга, то па кошце -дзякуючы росту коштаў - на 234. Асноўным пакупніком таксама была Расія.