Як паведамляе БЕЛТА са спасылкай на Міністэрства сельскай гаспадаркі і харчавання краіны, паводле даных на 2 верасня ў Беларусі сабрана больш як 97 працэнтаў убіраемых культур: з іх 98 працэнтаў збожжавых каласавых і зернебабовых і 92 працэнты рапсу. Усяго намалочана збожжа з улікам рапсу 7026 тыс.т.
Гаспадаркі краіны прыбіраюць крупяныя культуры: грэчкі намалочана 8,8 тыс.т, проса - 6,89 тыс.т.
Таксама ў краіне працягваюцца работы па ўборцы льнотрасты, нарыхтавана 61 тыс.т.
Салома пасля ўборкі збожжавых каласавых і зернебабовых культур убрана з 67% скошаных плошчаў.
Сельгасарганізацыі займаюцца ўборкай бульбы. Накапана больш за 36 тыс.т. Ураджайнасць 382 ц/га.