Прадпрыемства Віцебскай вобласці (Беларусь) - Талачынскі кансервавы завод - адправіла днямі першую партыю бульбы фры ў Казахстан, паведамляе інфармацыйна-аналітычнае выданне Regions.by.
Як расказаў дырэктар завода Анатоль Анюхоўскі, прадпрыемству ўдаецца канкурыраваць з замежнымі пастаўшчыкамі.
Магутнасці завода даюць магчымасць выпускаць на ўласнай сыравіне тысячу тон крухмалу ў год, 6 млн літраў сокавай прадукцыі, больш за 3,6 тыс. тон бульбы фры, да 810 тыс. дэкалітраў пладовых він.
У Талачынскага кансервавага завода самае вялікае бульбяное поле ў Беларусі. У гэтым годзе яго плануецца павялічыць да 1,1 тыс. га. Прадпрыемства таксама адпраўляе сваю прадукцыю ў Расію, Азербайджан, іншыя краіны блізкага замежжа. У перспектыве - асваенне рынку КНР.