У Беларусі плануюць нарасціць вытворчасць кожнага складальніка баршчовага набору на 8-10 працэнтаў. Аб гэтым у час прэс-канферэнцыі расказаў начальнік галоўнага ўпраўлення раслінаводства Міністэрства сельскай гаспадаркі і харчавання Мікалай Лешык, перадае карэспандэнт БЕЛТА.
"Гэта робіцца для таго, каб максімальна насыціць паліцы магазінаў якаснай айчыннай агародніннай прадукцыяй", - адзначыў ён.
Начальнік галоўнага ўпраўлення раслінаводства звярнуў увагу аўдыторыі на тое, што работа па ўдакладненні патрэбнасці ў пэўных відах прадукцыі яшчэ не завершана, яна будзе працягвацца да 1 красавіка. "Калі ўзнікне неабходнасць, у рабочым парадку па асобных відах будуць карэкціравацца плошчы ў бок павелічэння або зніжэння", - дадаў Мікалай Лешык.
Паводле даных міністэрства, на гэты момант сельгасарганізацыямі і фермерскімі гаспадаркамі запланавана пасадзіць агародніну на 4 тыс. га.