Ураджай бульбы ў Беларусі будзе на 10-15% вышэй за мінулагодні, заявіў першы намеснік міністра сельскай гаспадаркі і харчавання Леанід Марыніч у эфіры тэлеканала «Беларусь 1». «Гэты год - ідэальны для бульбы», - сказаў ён.
Што тычыцца ўборкі збожжавых, то Леанід Марыніч запэўніў, што цалкам яна завершыцца да канца гэтага тыдня. Ён паведаміў, што па выніку плануецца сабраць каля 7,8 млн тонаў збожжавых без уліку кукурузы, ўборка якой завяршаецца ў кастрычніку - пачатку лістапада.
Першы намеснік міністра адзначыў таксама, што добры ўраджай гэтага года знізіць сабекошт сельгаспрадукцыі і выдаткі сельгасарганізацый, а таксама падвысіць іх даходы.
Паводле яго слоў, у 2018 годзе будзе зроблены ўпор на павелічэнне аб'ёму культур з высокім утрыманнем бялку. «Задача стаіць забяспечыць на 60-70% уласным бялком, можа, дайсці да 80%», - растлумачыў Леанід Марыніч.
Крыніца: https://telegraf.by