Кіраўнік армянскага аграрнага саюза Берберан абвінаваціў Беларусь у падробцы бульбянога насення, паведамляе Lenta.ru.
Элітнае насенне бульбы, якое на экспарт прадае Беларусь, з'яўляецца падробкай, у рэчаіснасці пастаўшчыкі проста мяняюць этыкетку на насенні з Еўропы. З такімі абвінавачваннямі выступіў кіраўнік НВА "Аграрна-сялянскі саюз Арменіі" Грач Берберан, піша News.am.
Паводле яго слоў, беларускія кампаніі, як правіла, карыстаюцца прадукцыяй Нідэрландаў, правоў на продаж якой не маюць. Кошт такога насення складае 180 драмаў (28 рублёў) за кілаграм. Пры гэтым Бербяран сцвярджае, што звычайнае насенне, якое пастаўляе на экспарт Беларусь, вырошчваецца ў асноўным на заражаных землях.
Арганізацыя звярнулася да ўрада рэспублікі з патрабаваннем узмацніць жорсткасць кантролю за ўвазным з Беларусі насеннем, а фермераў заклікала купляць тавар напрамую ў еўрапейскіх кампаній. Кошт будзе вышэйшы, але прыкметна ўзрасце якасць, а акрамя таго, зямля ў рэспубліцы застанецца чыстай.
Берберан заклікаў расійскіх фермераў праявіць салідарнасць з Арменіяй.
У апошнія гады Беларусь неаднаразова абвінавачвалі як у масавай фальсіфікацыі замежных тавараў, так і ў кантрабандзе замежных тавараў пад выглядам сваіх.