У Беларусі «Талачынскі кансервавы завод» запусціў лінію па выпуску замарожанай паўфабрыката бульбы фры. Гэта першая ў краіне вытворчасць падобнай прадукцыі, піша "Беларусь сегодня".
Будаўніцтва суперсучаснага цэха заняло больш за тры гады. Вялося яно ў адпаведнасці з Дзяржаўнай праграмай інавацыйнага развіцця Рэспублікі Беларусь на 2016-2020 гады. Фінансаванне праекта ажыццяўлялася з розных крыніц, у тым ліку - рэспубліканскага і абласнога інавацыйных фондаў.
Прадукцыйнасць новага цэха складае 2 т за гадзіну. Гадавы аб'ём - каля 3,5 тыс. т. замарожанай бульбы фры. Раней краіна імпартавала каля 5 тыс.т гэтай прадукцыі ў год. І новае прадпрыемства амаль поўнасцю закрые ўнутраныя патрэбнасці краіны і будзе экспартаваць замарожаную бульбяную саломку. У прыватнасці, 22 т замарожанай бульбы фры "Талачынскі кансервавы завод" ужо адгрузіў у Расію.
На сайце завода гаворыцца, што працэс вытворчасці паўфабрыката ўключае мыйку бульбы, абсмажванне, нарэзку і шокавую замарозку. Прадукт фасуецца ў пакеты вагой 750 гр і 2,5 кг. Для вытворчасці паўфабрыкатаў выкарыстоўваецца бульба гатунку Інаватар. Тэхнічныя ўмовы і стандарты новай лініі адпавядаюць патрабаванням KFC і McDonald's, адзначаюць у "Талачынскім кансервавым заводзе".